Davao del Norte – Arestado ang duha ka lalaki human kining nakuhaan ug shabu atol sa checkpoint sa Barangay New Balamban, Tagum City.
Giila ang dinakpan nga si alyas “JADE”, 20 anyos ug alyas “JAKE”, 26 anyos kinsa mga residente sa Barangay Central, Davao Oriental.
Subay sa report, pasulod sa checkpoint ang mga suspetsada dihang nakita nga walay side mirror ang motor nga gisakyan niini ug gisita kinis kapulisan.
Dugang niini, nga pag rekisa nakuha kanila ang iligal nga droga nga adunay gibug-aton mga 25grams ug nagkantidad sa kapin P170,000 pesos, usa ka kutsilyo ingon man ubang gamit.
Sa karon, himas rehas ang mga dinakpan ug mag-atubang sa kasong paglapas sa RA 9165 kun Comprehensive Dangerous Drug Act of 2002. (Camille Santos Naraga)