DAVAO CITY – Nag-antos sa samad ang usa ka iro nga si Bruno human gipana sa wala pa mailhing suspek sa Barangay Buhangin, Huwebes, Setyembre 4, 2025.
Matod sa tag-iya, nakaikyas si Bruno human gubaon ang gate, ug pagkabalik niini, ilang nadiskobrehan nga may indian pana nga natuhog sa lawas sa iro.
Gidala dayon siya sa veterinary clinic diin giluwas ang pana. Sumala sa medical report, wala kini nakaangol og grabe nga kadaut ug wala usab maigo ang mga internal organs o bukog. Outpatient si Bruno apan magpadayon ang iyang medikasyon aron malikayan ang impeksyon.
Gisiguro sa tag-iya nga mosang-at sila og reklamo sa Buhangin Police Station ug sa Barangay Buhangin aron maimbestigahan ang insidente.(Camille Santos Naraga)(Source: Contributed)