DAVAO CITY – Dakop ang usa ka 18-anyos nga estudyante atol sa joint drug buy-bust operation nga gihimo sa kapulisan ug PDEA alas 12:15 sa kadlawon, Sabado, Setyembre 6, 2025, sa Ubas Compound, SIR Compound, Riverside, Barangay 76-A.
Giila ang suspek nga si alyas Jovan, residente sa lugar ug giila usab nga Top 3 sa drug watchlist sa Davao Region.
Sa operasyon, napalitan siya og medium-size nga pakete nga adunay pinaugang dahon sa marijuana. Nakuhaan pa kini og pito ka pakete ug napulo ka dagkong “pressed block” nga giputos sa transparent cellophane, nga pulos adunay marijuana.
Gibanabana sa otoridad nga nagkantidad og ₱2,670,000 ang tanang nakumpiskang marijuana. .(Camille Santos Naraga)(Source: Contributed)