Davao Del Norte – Daling gireport sa usa ka pasahero sa Tagum City PNP ang driver sa habal-habal kinsa iyahang gisakyan human kini migawas Mission Hospital.
Sumala sa biktima, gikan siya sa ospital ug magpahatod na unta kini sailahang balay sa Visayan Village, Tagum City apan namatikdan niini nga dunay dautang intensiyon ang maong driver kaniya maong nanglimbasog kini nga makana-og hangtud nga natumba ang motorsiklo.
Nakapangayo og tabang ang maong biktima ngadto sa otoridad kung asa gilayong naglusad og operasyon ang kapulisan.
Kahinumdumang dunay mga kaso kaniadto sa Tagum City kung asa nabastos ang mga pasaherong babae sa mga single motorcycle driver. (Camille Santos Naraga)
(Source: Tagum PNP)