Davao City – Dead on the spot ang driver sa usa ka motor human kining mibangga sa dump truck sa Sitio Marahan, Marilog District, Davao City.
Giila ang biktima nga si Jonas Mindan, 25 anyos ug residente sa Brgy.Salaysay, Marilog District samtang ang driver sa truck nailhang si Reybert Cabotaje nga taga Talakag, Bukidnon.
Sumala sa report sa Marilog Police, naglayat ang truck ingon man ang motor sa susamang direksyon dihang pagabot sa likong bahin kalit nga misalpok ang motor likod sa truck nga miresulta sa kamatayon sa biktima.
Dugang niini, boluntaryo usab nga misurender ang driver sa truck.
Sa karon nakakustudiya na si Cabotaje sa Marilog police station alang sa tukmang disposisyon. (Camille Santos Naraga)
(Source: DCPO)