Davao del Sur – sikop sa mga sakop sa Digos Police Station ang usa ka barbero kinsa mi-sideline sa pagpamaligya og illegal nga druga atol sa drug buy-bust operation sa Purok Dapsa, Barangay Tres de Mayo, Digos City.
Giila ni Police Major Ambrocio Maceda, Deputy Station Commander ang suspek nga si Ruel Camado alyas Jak 27-anyos ug residente sa maong lugar.
Base sa report, suspek napalitan og usa ka pakete sa gituohang shabu ug nakuhaan sa laing usa pa sa iyang possession.
Sa karon, ang suspek magatubang sa kasong paglapas sa RA 9165 Comprehensive Dangerous Drugs Act of 2002. (Camille Santos Naraga)
(Source: Digos City Police Station)