Toril, Davao City – Sikop ang usa ka 44 anyos nga tricycle driver human napalitan ug iligal nga druga sa gipahigayong drug buy bust operation sa Drug Enforcement Unit sa Toril Police Station 8 kauban ang ubang pulis sa 1105TH MC RMFB-XI nga adunay koordinasyon sa PDEA-XI sa Purok 8, Apollo Street, Corner Santo Cristo Street, Barangay Toril Proper, Toril District, Davao City.
Nadakpan sa kapulisan ang target sa operasyon nga si Eulyses Racoma Sanoria alyas “Suneyo” 44 anyos,tricycle driver ug residente sa Purok 10, Santo Cristo Street,Barangay Toril Proper ning syudad.
Subay sa report sa mga pulis, unang napalitan sa poseur buyer ang suspek og usa ka sachet nga adunay sulod sa gituohang shabu apan dihang gikapkapan nakumpiskahan kini og gamay’ng jewelry box nga naay sulod nga tulo pa ka mga sachets nga naay sulod sa gituohang shabu.
Tanan-tanan mokantidad sa 5,800 pesos ang nakumpiskang droga gikan sa suspek.
Sa karon, Himas rehas ang giingong suspek. (Camille Santos Naraga)
(Source: Toril Police Station 8 | PIO PRO-XI)