Davao Del Sur – Dakong kalipay ang nasinati sa mga pamilya gikan sa tribong B’laan sa Barangay Maibo, lungsod sa Magsaysay, Davao del Sur human nga gidawat ang mga bag-ong pinuy-anan gikan sa National Housing Authority 11.
Nagmalampuson ang turn-over sa 100 ka mga panimalay ang hingpit nang puy-an sa mga IPs ang sa maong lugar.
Kahinumduman nga usa ang tribong B’laan sa mga komunidad nga nahatagan og bag-ong balay ilawom sa IP Maibo Housing Project sa Housing Assistance Program for Indigeneous People sa maong buhatan, katugbang ang kantidad nga P20 million nga gigahin alang niini.
Ang matag balay, adunay floor area nga 25 square meters ug lot area nga 80 square meters nga anaa sa P200,000 ang matag usa. (Camille Santos Naraga)
(Source: NHA 11)