Davao del Sur – Gilusad sa tropa sa Provincial Drug Enforcement Unit ug Hagonoy Municipal Police ang buy bust operation sa Barangay Paligue, Hagonoy, Davao Del Sur kauban usab ang ubang unit sa PNP ug PDEA sa probinsiya ug nadakpan nila ang nagapayuhot og ginadiling droga.
Giila sa kapulisan ang mga nadakpan sa mga alyas nga “Wing”, 39 anyos taga Purok Mangga, Barangay Paligue ug alyas “Jong”, 39 anyos residente sa Barangay Olarte, General Santos City.
Unang napalitan ang mga suspek og usa ka sachet nga adunay sulod sa gituohang shabu ug laing 4 pa ka mga sachets nga naay sulod sa gituohang shabu ang nakuha sa ilang possession.
Apil sa narekober sa mga pulis ang marked money,cellphone, pitaka, lighter ug canister sa candy.
Tingkagol karon sa Hagonoy Municipal Police Station ang giingong mga suspek. (Camille Santos Naraga)
(Source: Hagonoy MPS | PIO PRO-XI)