DAVAO CITY — Miabot na sa ikatulong alarma o 3rd alarm ang dakong sunog nga mitumaw sa Porras Street duol sa Garden Oases sa Barangay Obrero, Davao City, karong udto, September 14, 2026 (Lunes).
Sumala sa Bureau of Fire Protection (BFP), alas-12:09 sa udto nadawat ang report bahin sa sunog.
Unom ka minuto lamang ang milabay, alas-12:16 sa udto, gideklarar na ang 3rd alarm tungod sa kakusog sa sunog ug panginahanglan sa dugang nga mga bombero ug fire trucks.
Padayon ang responde sa mga bombero aron makontrol ug mapalong ang kalayo.
Wala pa matino sa pagkakaron ang hinungdan sa sunog, gidak-on sa kadaot, ug kung adunay mga naangol o nangamatay.
Nagpadayon ang pagkuha og dugang impormasyon sa maong insidente. .(Camille Santos Naraga)(Source: Contributed)