DAVAO CITY — Mas napalig-on ang partnership tali sa Davao City Police Office o DCPO ug Team Davao pinaagi sa usa ka charity airsoft shooting competition nga nagtumong sa pagtabang sa mga batang nakigbisog batok sa kanser.
Mitambong isip Guest of Honor and Speaker si DCPO City Director PCOL Peter B. Madria atol sa Team Davao Action Air Presidents Cup 2026 Airsoft Shooting Competition, nga adunay tema nga “A Shoot for a Cause for Kids with Cancer.”
Gipahigayon ang kompetisyon sa Back Barangay Hall sa Barangay Indangan, Buhangin, Davao City.
Giorganisar sa Team Davao Action Air (TDAA) ubos sa pagpangulo ni President Tei Delos Santos, ang kalihokan nagtigom sa mga airsoft enthusiasts ug supporters dili lamang alang sa kompetisyon, apan alang usab sa usa ka maayong katuyoan.
Pinaagi sa maong kalihokan, gipakita sa DCPO ug Team Davao ang ilang panaghiusa sa pagpalambo sa mga programa nga adunay dakong benepisyo sa komunidad, ilabina sa mga advocacy nga naghatag og suporta sa mga nanginahanglan.
Sa iyang mensahe, gipasiugda ni PCOL Madria nga importante ang lig-on nga partnership tali sa kapulisan ug mga organisasyon sa komunidad aron mas mapalapad ang serbisyo publiko ug mga inisyatiba alang sa kaayohan sa katawhan.(Camille Santos Naraga)(Source: Contributed)