DAVAO CITY – Mas gipahugtan karon sa Task Force Davao ang seguridad sa nagpadayong selebrasyon sa Duaw Davao, usa sa pinakadakong kalihokan sa Davao City.
Sumala ni Major Ronnel Avanzado, spokesperson sa Task Force Davao, nga ang ilang tumong mao ang pagsiguro sa malinawon ug hapsay nga selebrasyon. Giklaro usab nga wala’y dakong kabag-ohan sa operasyon, gawas sa mas hugot nga inspeksyon sa mga entry points sa syudad ug padayon nga kooperasyon sa Davao City Police Office alang sa joint security measures.
Tungod kay ang Duaw Davao nagatanyag og daghang kalihokan alang sa mga Dabawenyo ug turista, giila kini nga dako og papel sa turismo ug kultura sa dakbayan. Busa, gipasiugda sa Task Force Davao ang ilang paningkamot aron ang tanang moapil sa selebrasyon makasinati og kalipay nga walay kabalaka sa seguridad.(Camille Santos Naraga)(Source: Contributed