Nakatakas ang usa ka Person Under Police Custody (PUPC) gikan sa custodial facility sa Davao City Police Office (DCPO) sa kaadlawon sa Huwebes, hinungdan nga nagpatuman ang kapulisan og manhunt operation batok sa suspek.
Giila sa mga awtoridad ang nakatakas nga si Alfred Ismael Magallanes Matute, nga gibilanggo tungod sa paglapas sa Comprehensive Dangerous Drugs Act.
Matud sa DCPO, padayon ang ilang koordinasyon sa nagkalain-laing police units ug checkpoints aron madakpan pag-usab ang suspek. Giimbestigahan usab ang kahimtangan sa iyang pag-ikyas ug kung adunay kakulangan sa seguridad sa custodial facility.
Gihangyo sa kapulisan ang publiko nga magbantay ug maghatag impormasyon kung makita ang suspek pinaagi sa pag-report sa pinakaduol nga police station.(Camille Santos Naraga)(Source: Contributed)