DAVAO CITY – Nasamsam sa mga operatiba sa Police Regional Office 8 (PRO-8) ang labaw sa ₱7 milyong balor sa giingong shabu atol sa usa ka hiniusang operasyon sa Ormoc City.
Sumala kang PRO-8 Regional Director PBGen. Jason Capoy, ang operasyon gipahigayon sa hiniusang pwersa sa Ormoc City Police Office, OCPO Police Station 4, Leyte Police Provincial Office PIU, 1st Leyte Provincial Mobile Force Company, RSOU-8, PNP DEG-SOU 8, ug sa Philippine Drug Enforcement Agency (PDEA). Misangpot ang operasyon sa pagkaaresto sa usa ka high-value individual.
Nasamsam sa mga otoridad ang kapin sa 1,082 gramos sa giingong shabu nga adunay gibanabanang street value nga ₱7.3 milyon gikan sa 43-anyos nga suspek nga nailhan sa alyas nga “Alias Lea.”(Camille Santos Naraga)(Source: Contributed)