DAVAO CITY – Human sa usa ka aerial inspection sa mga lugar sa Cebu nga naapektuhan sa bagyo, miadto si President Ferdinand R. Marcos Jr. sa Tiltilon Elementary School sa Liloan. Didto, nakita niya nga 23 ka classrooms ang hingpit nga nadaut ug daghang uban pang mga pasilidad ang grabe usab nga kadaut.
Gisusi sa Presidente ang lawom nga epekto sa bagyo sa eskwelahan ug sa komunidad, ug giila ang kahimtang sa mga biktima nga nanginahanglan og tabang.
Miabot usab ang Presidente sa evacuation center diin nagtapok ang kapin sa 100 ka pamilya gikan sa Barangay Cotcot, ug gisaad niya ang padayon nga suporta sa gobyerno, lakip na ang pag-apod sa family food packs gikan sa DSWD.
Gipakita sa Presidente ang iyang pagpakabana sa kalisod nga giatubang sa mga residente ug giingon nga padayon nga motabang ang gobyerno aron makabangon ang mga naapektuhan.(Camille Santos Naraga)(Source: Contributed)