DAVAO CITY – Gipamatud-an ni Tourism Secretary Christina Garcia Frasco nga miabot siya sa London kaniadtong Nobyembre 4, 2025 isip ulo sa Philippine delegation sa World Travel Market. Miingon siya nga iyang gihimo ang pagrepresentar sa nasud sa Ministerial Summit ug gidumala ang pagbukas sa Philippine Stand.
Gipasabot ni Frasco nga mibalik siya sa Pilipinas kaniadtong Nobyembre 5, ug pag-abot kaniadtong Nobyembre 6, diretso siyang niadto sa iyang hometown sa Liloan, tungod sa grabe nga sitwasyon sa Cebu.
Ang pahayag ni Frasco misunod sa kritisismo sa mga netizens batok sa ubang opisyal sa Cebu nga naa sa gawas sa nasud samtang miigo ang Typhoon Tino.
Gipakita sa records nga ang uban sa mga opisyal nakahimo og authorised travel sa UK gikan sa ulahing bahin sa Oktubre hangtod sa sayong bahin sa Nobyembre, apan gipasabot ni Frasco nga ang iyang pagbiyahe adunay klarong opisyal nga katuyuan ug dali siyang nibalik sa nasud human sa misyon. (Camille Santos Naraga)(Source: Contributed)