Davao del Norte – Giklaro karon sa kapulisan sa Tagum City nga aduna na silay gitan-aw nga person of interest sa kaso sa pagpatay sa 9 anyos nga batang babae nga si Monalisa Pagharion sa Tagum City.
Sumala ni PNP Tagum Chief Lt. Col. Edgardo Bernardo, nga base sa mga witness ingon man sa cctv footage sa lugar diin nahitabo ang krimen, aduna silay gikatahong person of interest apan nagdumili pa kini sa pagbutyag sa identipikasyon sa maong suspek.
Dugang niini, nga sumala usab sa usa sa mga witness nga nakita niyang nigawas ang maong suspek sa lugar asa nakit-ang patay ang biktima.
Samtang sa pikas bahin, gibisita ni Davao del Norte Vice Governor Oyo Uy ang haya sa biktima ug gipasalig ngadto sa pamilya nga mahatagan kini og hustisya. (Camille Santos Naraga)
(Source: Davao del Norte PNP)