DAVAO CITY – Nasakmit sa mga otoridad ang gituohang shabu nga nagkantidad og ₱1,040,400 atol sa pag-implementar sa usa ka search warrant sa Barangay Ilang, Davao City, niadtong alas 3:05 sa hapon, Agosto 4, 2025.
Giila ang suspetsado nga si alyas “Am-Am”, 31 anyos, ug residente sa Bago Uma, Menterbro, Barangay Ilang.
Nasikop siya sa operasyon nga gihimo sa mga sakop sa Regional Police Drug Enforcement Unit (RPDEU)-XI, City Drug Enforcement Unit (CDEU-DCPO), Bunawan Police Station 6, ug uban pang unit sa PNP–PRO XI. Ang search warrant gipirmahan ni Executive Judge Rowena Apao-Adlawan.
Gawas sa illegal nga droga, nakuhaan usab ang suspek og .38 caliber revolver.
Si alyas “Am-Am” giilang Top 3 Regional-Level High Value Individual sa listahan sa mga personalidad nga gitan-aw sa iligal nga drug trade sa rehiyon.(Camille Santos Naraga)(Source: Contributed)