DAVAO CITY – Gipasalig nila Second District Representative Omar Vincent Duterte ug Acting Vice Mayor Rodrigo “Rigo” Duterte II nga gihatagan dayon og ayuda ang mga pamilyang naapektuhan sa sunog nga nahitabo niadtong Biyernes sa gabii, Agosto 1, sa Purok Medalla, Barangay Buhangin Proper.
Gipadala dayon sa lugar ang hot meals, tubig, hygiene kits, ug temporaryong panalipdan, aron mahatagan og kasigurohan ang kaluwasan ug panginahanglan sa mga biktima.
Presente usab ang mga personahe gikan sa Office of the City Mayor, City Social Welfare and Development Office (CSWDO), ug mga opisyal sa barangay aron maghatag og dugang nga serbisyo ug suporta sa mga apektadong residente.(Camille Santos Naraga)(Source: Contributed)