Nakumpleto na sa Philippine Coast Guard (PCG) ang bug-os nga underwater search sa lumubong nga MV Trisha Kerstin 3 human sa 27 ka adlaw nga high-risk technical diving operations duol sa Baluk-Baluk Island, Basilan niadtong Pebrero 23, 2026.
Sumala ni Rejard Marfe, ang mga diver sa PCG miatubang sa kusog nga agos, halos walay visibility, ug mga peligro sa istruktura aron mabawi ang 22 ka lawas gikan sa nagkalain-laing bahin sa barko, lakip ang decks ug engine room.
Ang barko nakit-an nga nag-lista sa wala nga kilid, nga ang gawas nga hull buo apan ang sulod napugngan tungod sa debris ug nagkaguba nga mga sakyanan. Bisan pa sa kompletong search sa tibuok barko, magpadayon ang mga diver hangtod Pebrero 26 alang sa re-swiping procedures aron masiguro nga walay lugar nga wala masusi. Tanang kalihokan nadokumento aron suportahan ang nagpadayon nga imbestigasyon. .(Camille Santos Naraga)(Source: Contributed)