Duha ka adlaw nga Dental ug Medical Mission an gipangunahan sa Provincial Health Office sa Probinsya sa Dinagat Islands ubos sa pag dumaya ni Governor Nilo P. Demerey Jr., GSC, MPM an gipahigayon ngadto sa Surigao Del Norte District Jail pakig iban sa Bureau of Jail Management and Penology- Surigao.
Del Norte pagpangulo ni Acting District Jail Warden, JSINSP RICHARD L GAMALE ug SJO1 Carmelo L Sarce.
Pinanguluhan nila Dr. Reil P Paulio ug Dr. Reygie O Marsada an ilang mga kaibanan gikan sa Provincial Health Office sa pag hatag og serbisyong medikal alang sa 220 Persons Deprived of Liberty, kon diin jaoy 187 an midawat og medical check up samtang 33 ka mga indibidwal an midawat og dental Check-up.
Matod pa sa mensahe nga gihatag ni Sir Neil Anthony M. Demerey, an mga Persons Deprived of Liberty gitangtangan ra og katungod nga mahimong malaya apan dili buot pasabot ani nga wa silay katungod nga maka- access sa medical care, maong ila kining gihatagan og giya pamaagi ani nga aktibidad.
Mapasalamaton usab si JSINSP Gamale sa maong medical mission nga gihatag sa probinsya alang sa mga PDL nga nahimutang sa SDN District Jail. Dako karajaw an ilang pasalamat sa oras ug effort nga ilang gitanyag para sa ila. Dako isab an ilang pasalamat ngadto kang Gobernador Demerey, sa pag hatag ug mga ing ani nga aktibidad alang sa panerbisyo sa katawhan. (Mark James Lisondra)