DAVAO CITY — Usa ka patayng lawas sa usa ka lalaki ang napalgan nga naglutaw sa Subawan River sa Sitio Sabang, Tamugan, Davao City karong buntag, Enero 3, 2026, nga maoy hinungdan sa pagkabalaka sa mga residente sa lugar.
Sumala sa inisyal nga impormasyon gikan sa mga otoridad, ang biktima gituohang residente sa nasampit nga barangay. Miadto na sa lugar ang mga kabanay sa biktima aron sa pag-ila sa patayng lawas.
Gilayon nga girespondehan sa kapulisan ug rescue personnel ang maong insidente aron makuha ang lawas ug masugdan ang hustong mga pamaagi sa imbestigasyon. Sa pagkakaron, padayon pa ang pagpanubay sa mga otoridad aron matino ang tinuod nga hinungdan sa kamatayon ug kung adunay foul play nga nalambigit.
Nagpaabut ang kapulisan sa dugang pang detalye samtang nagpadayon ang imbestigasyon.(Camille Santos Naraga)(Source: Contributed)