DAVAO CITY – Nagpadayon ang “Walk-the-Fault” activity sa Davao City nga nagsugod niadtong Oktubre 6, 2025, nga gihimo sa DOST-PHIVOLCS uban sa pakigtambayayong sa DOST-XI, OCD-XI, Davao City Disaster Risk Reduction and Management Office, ug mga opisyal sa barangay.
Gibisita ug gibutangan og mga marka sa team ang mga lugar nga naapektuhan sa Central Davao Fault System sa mga barangay Lacson, Malagos, Wangan, Subasta, Balengaeng, Mintal, Bago Oshiro, Baliok, ug Lubogan.
Tumong sa maong kalihokan nga ipahibalo sa mga lokal nga panggamhanan ug residente ang eksaktong lokasyon sa mga aktibong fault line sa siyudad, pasakaan ang kahibalo bahin sa peligro sa linog, ug palig-onon ang kahandaan sa komunidad aron mapakunhuran ang risgo.(Camille Santos Naraga)(Source: Contributed)