DAVAO CITY – Magpahigayon ang Lungsod sa Davao og mass exhumation sa Tagakpan Public Cemetery isip kabahin sa programa sa rehabilitation ug development sa maong lubnganan.
Gibanabana nga 315 ka mga patay’ng lawas ang hukayon, limpiyohan, i-disinfect, i-label, ug temporaryong i-store — dugang pa sa 92 ka mga lawas nga gihukay sa unang phase niadtong 2021.
Gihangyo sa City Government of Davao ang mga pamilya nga mobisita sa sementeryo aron sa orientation ug paghisgot sa mga kapilian sa ossuary reburial sumala sa Ordinance No. 0291-17.(Camille Santos Naraga)(Source: Contributed)