Davao City – Nagmalampuson ang gipahigayong turn-over ceremony sa bag-ong Mobile Xray Van ngadto sa Department of Health of DOH.
Tumong sa giingong serbisyo nga matabangan ang giingong departamento nga mahatag ug saktong serbisyo ang mga publiko ug mapababa ang kaso sa Tuberculosis o TB sa rehiyon onse.
Sumala kang Dr. Annabelle Yumang, Regional Director ng DOH XI, dako kining tabang ilabi na sa mga pasyente nga adunay sakit nga TB.
Dugang niini, nga ang mobile xray makatabang pagusab nga mapadali ang pag detect sa giingong sakit.
Dako usab ang pasalamat sa opisyal ug giklaro niini nga ilahang gamiton ug sakto alang sa publiko ang giingong donation nga xray van.
Kahinumduman nga ang mobile xray van inisyatibo sa Philippine Business for Social Progress kung asa adunay kini personal nga artificial intelligence nga makahatag ug resulta sulod lamamg sa duha ka minuto. (Camille Santos Naraga)
(Source: DOH Davao Region)
