Davao del Norte – Pormal na nga giturn-over ngadto sa tribong Ata Manobo sa Santo Tomas ang 100 ka mga housing units gikan sa National Housing Authority XI.
Ang giingong 100 ka mga balay gipunduhan sa NHA ug ₱ 20 million, gidungagan usab kini ug 2 million wa Santo Tomas LGU aron nga mas mapanindot pa ang balay asa nahimutang sa Purok 8 Sitio Talos Brgy San Jose.
Ginganlan kini sa tribong Ata Manobo og “BALAI KAROYAWAN NO BAKALAG” o “nindot nga balay” kun sa bisaya pa.
Dakong kalipay ang gibati sa mga IP tungod kay usa sila sa mga swerting nakadawat sa libreng pabahay sa gobyerno.
Samtang, gipangunahan Ang turn-over ni Engr. Ariel Puyos Acting Division Manager A sa NHA XI isip representative ni Regional Manager Engr. Clemente A. Dayot ug ni Municipal Mayor Roland S. Dejesica ug ang ubang mga opisyales sa maong lungsod. (Camille Santos Naraga)
(Source: NHA XI)