Davao mayor, dunay tips unsaon pagserbisyo sa brgy official sa MisOr, CdeO

Davao mayor, dunay tips unsaon pagserbisyo sa brgy official sa MisOr, CdeO

by RPN News
190 views

CAPITOL COMPOUND, Misamis Oriental, June 18 — Kung three years motrabaho mo og tarong ug magprudyos mo og good public service dili na ninyo problemahon ang gastos sa kwarta.”

Kini ang tipik nga tips ni Davao City Mayor Sara Z. Duterte nga nahimong mamumulong sa mass oath taking nga gipahigayon sa mga napiling opisyal sa barangay gikan sa nagkadaiyang lungsod sa lalawigan sa Misamis Oriental ug dakbayan sa Cagayan de Oro. Ang oath taking gipangunahan ni Gobernador Bambi Emano niadtong Biyernes, Hunyo 15 sa Atrium, Limketkai Center, Lapasan, dakbayan sa Cagayan de Oro.

Si Mayor Sara nihatag og mensahe ug mga tips ngadto sa 2,150 ka mga opisyales aron mahimong epektibo nga mga public servant sa ilang tagsa-tagsa ka barangay.

Matud sa mayor nga unang buhaton sa mga opisyal magplano sa ilang himuon nga proyekto aron dili magkalisod sa pagpangita og pundo.

Gipasabot ni mayor Sara nga ang proyekto nga gihimo karon nga tuig gibudgetan na niagi pang tuig.

“Ang project nato karon nga gipatuman ang budget ana ginabuhat the year before. Ang gigamit nato karon gibuhat nato adtong 2017, kung walay supplemental budget maglisod pagkomit ang mayor, ang congressman ug ang governor sa inyong proyekto.”

Matud ni mayor Sara ug nipasabot nga gikinanglan nga ang buhaton sa unang tuig sa pagserbisyo mao gyod ang pagplano. “Mas maayo inyong buhaton is magplano sa first year para sa second year, para sa third year. Apila nalang pod og plano para sa fourth ug fifth year kay basin diay wala napod barangay election.”

“Para man gud dili mo magsige gukod sa pagpangita og budget, source of fund para duna moy target para karon tuig mao ni amo mga project nga ipakita sa mga tao para ma-manage ang expectation sa mga tao. Bahala na. You do not give them the sun the moon and the stars basta niingon ka kini na project karon tuiga mabuhat ug madeliver ninyo sa inyong barangay. It will be very good nga magplano mo daan. Aron sab makapadala namo sa unsa ang kailangan nga budgetan sa local government unit (LGU) ug sa probinsya.” (PIA)

0 comment

Related Posts