Davao Oriental – Malampusong napahigayon sa Mati City LGU ang pinakaunang Mobile Surgical Outreach Program sa Barangay Lanca.
Gipangunahan mismo sa surgical team sa Southern Philippines Medical Center’s Department of Surgery kauban ang Mati IMT commander ug Mati City Health ang maong aktibidad.
Base sa tala, niabot sa 25 ka pasyente ang napailalum sa minor surgeries nga nag-gikan pa kini sa mga lagyong lugar samtang 21 usab ang nascreen sa medium ug major surgical cases ang girefer sa siyudad ngadto sa Davao Oriental Provincial Medical Center o sa SPMC nga dunay transport ug financial assistance.
Gisiguro sa medical team nga nakadawat og medical care ug atensiyon ang tanang pasyente.
Ang maong outreach program nasubay kini sa Universal Health Care Act, nga nagtumong sa pahatag og health services ug financial risk protection sa tanang Pinoy. (Camille Santos Naraga)
(Source: Mati LGU)