Davao City — Nagpahibalo ang Mapúa Malayan Colleges Mindanao (Mapúa MCM) nga magpadayon ang online classes sa tanang lebel hangtod sa dugang nga pahibalo, human sa rekomendasyon sa Office of the City Building Official ug sa mga external engineers. Ang desisyon gituyo aron mahatagan og panahon ang mga repair ug masiguro ang kaluwasan ug structural integrity sa kampus.
Mga Gi-update nga Schedule:
• Wellness Break: Wala’y klase gikan Oktubre 18–21. Adunay optional asynchronous classes sa Oktubre 22–25, ug ang mga deadlines gipalugway hangtod Nobyembre 3. Padayon usab nga bukas ang counseling services alang sa mga estudyante.
• Online Classes: Magpadayon ang tanang lebel sa online learning ubos sa Learning Continuity Plan. Ang mga estudyante makadawat og giya gikan sa ilang mga departamento ug advisers.
• Pagkuha sa mga Butang: Ang mga estudyante mahimong mokuha sa ilang personal nga gamit sugod Oktubre 13 — High School: 8 AM–12 NN; College: 1 PM–6 PM (Lunes–Biyernes). Kinahanglan nga makigkoordinasyon una sa adviser.
• Online Transactions: Ang mga opisina sa Admissions, Registrar, ug Treasury magpadayon nga accessible pinaagi sa opisyal nga email channels.
Gisaad sa eskwelahan nga magpagawas kini og pahibalo sa pagbalik sa face-to-face classes kon makompleto na ang tanang safety requirements.(Camille Santos Naraga)(Source: Contributed)