Davao Oriental – Gikasubo sa pipila ka mga mangingisda nga sakop sa Islamic Center Association sa Mati city human ang nahitabong pagkumpiska sa ilahang mga bangka niadtong Lunes, Nobyembre 14.
Kahinumduman nga gikumpiska sa maritime ang ilang mga bangka human silang nangisda sa Pujada bay nga hugot nga gibawal tungod sa pagdeklara isip protected area ubos sa Expanded National Integrated Protected Areas System Act of 2018.
Gahilak nga nagpakitabang kang Governor Corazon Malanyaon ang mga mangingisda nga mauli ang ilang mga bangka tungod mao kini ang ilahang panginabuhian.
Tungod sa nahitabo, mihatag og pasiunang ayuda si Governor Malanyaon ngadto sa mga mangingisda.
Samtang, nakatakda usab nga magpatawag og dialogue ang gobernador sa mga maritime personnel. (Camille Santos Naraga)
(News & photo courtesy of Davao Oriental PLGU)