Davao City – Himas rehas ang mag-amigong dorugista human kini gipangsikop sa Toril Police Station.
Kini human mapaliti sa poseur buyer sa kapulisan ang mga suspek og shabu hinungdan nga gilayon kining gipangdakop.
Giila sa kapulisan ang mga suspek nga si alyas Dodong, 21 anyos, ulitawo, self-employed, ug ang higala niini nga si alyas Rico, 23 anyos, ulitawo, usa ka delivery driver diin pulos mga taga Toril Davao City.
Atol sa buy-bust operation, nakuha gikan sa mga posisyon niini ang mga sachet sa shabu ug uban pang paraphernalia.
Sa karon, nakakustodiya na sa Toril Police Station ang mga dinakpan nga mag atubang sa kasong paglapas sa RA 9165 kon Comprehensive Dangerous Drugs Act of 2002. (Camille Santos Naraga)
(Source: Davao City PNP)