Davao Region – Nagpadayon karon ang imbistigasyon sa Land Transportation Office XI sa 200 ka mga driver’s license owner nga wala ni-agi sa saktong proseso.
Sumala ni Atty. Loida Igdanes, operations head sa LTO XI, sagad sa mga hinungdan niini ang non-appearance driver’s license, ilabi na panahon nga taas pa ang kaso sa COVID-19.
Dugang niini, nga usa usab sa mga nakitang kalapasan sa LTO ang mga 1st time driver’s license holder nga dunay code 1, 2, ug 3 ug duna usab mga na-isyuhan nga wala ni-agi og non-professional license.
Pagbutyag sa opisyal, nga sa karon, wala pa nila gipadala sa central office ang maong datos, inay gi-abisohan ang mga nanag-iya niini nga mubalik sa district office diin sila nagkuha niini aron ma-correct ang datos. (Camille Santos Naraga)
(Source: LTO XI)
