Davao City – Nakurat ug gibati og kakulba ang pipila ka mga motorista kinsa miagi sa Barangay Maa human sila nga gipara sa mga enforcers sa Land Transportation Office XI.
Nagtuo ang mga motorista nga T.O.P ang ilang madawat sa dihang gitan-aw ang kopya sa ilang OR/CR ug lisensya apan dakong surpresa kay gihatagan sila og bag-ong helmet sa mga taga LTO.
Dakong pasalamat usab sa mga rider kay aduna na silay bag-ong helmet ilabi na nga di sila basta-basta nga makapalit kay mahal kini.
Base sa Republic Act 10054 o Mandatory use of motorcycle helmets, makamulta og P1,500 fine sa first offense ang maisyuhan og violation niini, P3,000 sa 2nd offense, P5,000 sa third offense ug P10,000 sa last offense ug makumpiska na ang driver’s license.
Usa ka motorcycle dealer ang nakig tie-up sa LTO XI arun sa pagpanghatag og helmet isip pasalamat nasab sa ilang mga customer. (Camille Santos Naraga)
(Source: Fredzon Sagarino)