Gi-issue sa Land Transportation Office (LTO) ang Show Cause Order batok sa mga organizer sa BOSS Ironman Challenge Mindanao Cup 2026 human sa sunod-sunod nga aksidente ug giingong pagbalewala sa mga balaod sa trapiko.
Sumala sa imbestigasyon sa LTO, nakit-an sa mga nakolektang video ang daghang paglapas sa traffic rules, sama sa overspeeding, paggamit og illegal blinkers, ug dili pagtuman sa mga traffic signs.
Nalambigit usab ang pipila ka partisipante sa mga aksidente, lakip ang insidente nga nakamatay ang usa ka bata.
Gipahimangnoan ni LTO Chief Asec. Markus Lacanilao ang mga responsable nga manubag sa ilang kalapasan, ug giingon nga dili angay isakripisyo ang seguridad sa publiko alang sa bisan unsang kalihokan. (Camille Santos Naraga)(Source: Contributed)