Davao del Norte – Gireklamo sa mga motorista ang dakong bangag sa National Highway sa Panabo City, atubangan sa Land Bank ug Panabo Central Elementary School, nga hinungdan sa pagkabulasot ug peligro sa daghang sakyanan.
Nagpadayon ang construction sa maong lugar nga ginahimo sa contractor sa Department of Public Works and Highways (DPWH), apan wala kini gi-atiman og tarong nga agianan para sa mga sakyanan sa kilid sa dakong drainage.
Ang lokal nga kagamhanan sa Panabo nangayo na sa DPWH og aksyon aron masiguro ang kaluwasan sa mga motorista ug malikayan ang sunod-sunod nga aksidente. (Camille Santos Naraga)(Source: Contributed)