Patay ang usa ka 58-anyos nga engineer ug contractor human gipusil sa national highway sa Sitio Omanod, Barangay San Francisco, Santa Catalina, Negros Oriental niadtong Miyerkules sa buntag, Agosto 27.
Giila ang biktima nga si Engr. Angelito Uy Mendoza.
Sumala sa report sa Santa Catalina Police Station, nagpadulong unta ang biktima sa usa ka quarry site sa dihang kalit siyang gipusil sa duha ka wala mailhing suspek nga nagsakay og itom nga motorsiklo.
Padayon pa ang imbestigasyon sa kapulisan aron matumbok ang mga responsable ug masuta ang motibo sa krimen.(Camille Santos Naraga)(Source: Contributed)