DAVAO CITY – Kapin sa 500 ka personnel sa Civil Security Unit (CSU) sa Tagum City ang miagi sa Substance Abuse Monitoring isip kabahin sa padayong implementasyon sa Drug-Free Workplace Program sa lokal nga panggamhanan sa dakbayan. Tumong sa maong kalihokan ang pagpalig-on sa integridad, disiplina, ug kahimsog sa mga kawani nga nagserbisyo sa katawhan.
Ang maong programa gipasiugdahan sa City Anti-Drug Abuse Council (CADAC), nga nagtinabangay sa City Human Resources Management Office (CHRMO), City Health Office (CHO), ug sa Philippine Drug Enforcement Agency (PDEA) aron masiguro ang patas ug hapsay nga proseso sa drug testing.
Pinaagi sa inisyatibo, gilauman sa lokal nga panggamhanan nga mapalig-on pa ang kampanya batok sa ilegal nga droga ug masiguro nga limpyo ug kasaligan ang mga personnel nga gisaligan sa seguridad ug kaluwasan sa komunidad.
Ang Drug-Free Workplace Program usa ka importante nga lakang sa pagprotektar sa interes sa katawhan ug sa pagtukod og mas lig-on nga organisasyon nga nagatiman sa panginahanglan sa publiko. .(Camille Santos Naraga)(Source: Contributed)