DAVAO CITY – Gipangulohan ni Presidente Ferdinand “Bongbong” Marcos Jr. ang seremonyal nga turnover sa 106 ka Patient Transport Vehicles (PTVs) didto sa Dakbayan sa Dipolog, nga ipang-apod-apod sa mga lokal nga panggamhanan sa Zamboanga Peninsula.
Ang maong inisyatibo kabahin sa padayong paningkamot sa gobyerno aron mapalambo ang emergency medical transport ug mas mapadali ang pag-access sa serbisyo medikal sa tibuok nasud.
Ang matag PTV kay kompleto sa mga pangunahing gamit medikal—lakip na ang stretcher, oxygen tank, wheelchair, first aid kit, blood pressure monitor, ug medicine cabinet—arong masiguro ang luwas ug epektibong pag-atiman sa pasyente samtang nagbiyahe.(Camille Santos Naraga)(Source: Contributed)