Davao City — Kapin sa 500 ka estudyante sa Columbus Elementary School sa Barangay Buda, Marilog District, Davao City, nakadawat og bag-ong school bags ug mga gamit sa eskwelahan niadtong Enero 22, 2026, pinaagi sa donasyon sa Chinese Consulate General ug sa City Government of Davao.
Gipangulohan ang turnover ceremony ni Acting Vice Mayor Rigo Duterte II, Chinese Consul General Zhao Xiuzhen, ug Councilor Atty. Petite Principe. Sumala sa Schools Division Superintendent Reynante A. Solitario, ang maong donasyon usa ka dakong tabang sa pagpalig-on sa morale sa mga estudyante ug pagdasig kanila nga ipadayon ang ilang mga pangandoy uban ang kusog nga pagsalig sa kaugalingon.
Ang maong kalihokan nagpamatuod sa padayon nga kooperasyon sa lokal nga gobyerno ug sa mga international partners aron masuportahan ang edukasyon ug kahimtang sa mga kabataan sa Marilog District.(Camille Santos Naraga)(Source: Contributed)