DAVAO CITY – Usa sa mga gipaabot nga higayon sa Kadayawan sa Davao 2025 mao ang pagbisita sa Kadayawan Tribal Village nga nahimutang sulod sa Magsaysay Park.
Dinhi, makita ug masinati sa mga bisita ang makalingaw nga pasundayag sa kultura ug tradisyon sa 11 ka mga indigenous tribes sa siyudad, lakip na ang ilang mga tradisyonal nga sayaw, musika, sinina, ug pagkaon.
Ang Kadayawan Tribal Village nagahatag og higayon sa mga lokal ug bisita nga masabtan ug mapresyar ang dakong bahin sa kasaysayan ug pagkatawo sa Dabawenyo pinaagi sa tuyo nga pagpreserbar sa kultura sa mga lumad.
Gilauman nga daghang mga tawo ang moduaw aron masaksihan ang maanyag nga pagpasigarbo sa panaghiusa ug pagkadiverse sa komunidad sa Davao City. .(Camille Santos Naraga)(Source: Contributed)