Davao City – Doble karon ang ihap sa dengue cases sa Davao city kun ikumpara sa milabay nga tuig 2021.
Base sa talaan sa Davao City Health Office’s tropical diseases prevention and control unit miabot sa kapin 2,000 ang ihap sa mga nagkasakit og dengue ikumpara sa kapin libo niadtong 2021.
Gi-klaro ni CHO Tropical Unit Head Beth Banzon, nga walay dengue outbreak sa Davao city sanglit kontrolado pa ang sitwasyon.
Dugang niini, nga usa sa mga nakitang hinungdan ang pagsige og ulan ug ang wala na pagtagad sa publiko nga hinluan ang mga mamahimong breeding site sa lamok.
Sa karon hugot nga giawhag sa city health office ang publiko nga manghinlo sa ilang palibot ug ilabay ang mga butang nga mapunduhan og tubig nga mamahimong breeding site sa lamok. (Camille Santos Naraga)
(Source: Netizen)