DAVAO CITY – Patay ang igsoon ni Mayor Duma Mascud sa Kadayangan, Special Geographic Area (SGA)–BARMM, human gi-ambush sa lungsod sa Midsayap, Cotabato Province, bandang alas 7:00 sa buntag, Hulyo 24.
Giila sa kapulisan ang biktima nga si Dhen Mascud, 54 anyos, nga sakay sa iyang MPV vehicle sa pag-abot niini sa Barangay Agriculture, Midsayap. Gikalit kini og pamusil sa wala mailhing armado.
Nasamdan usab ang asawa sa biktima nga si Anisa Mascud, ug karon gibantayan sa ospital.
Dali nga nakasibat ang mga responsable sa maong insidente. Padayon ang imbestigasyon sa mga kapulisan aron masuta ang motibo ug ang posibleng mga suspek sa ambush.(Camille Santos Naraga)(Source: Contributed)