DAVAO CITY – Gilusad sa Department of Transportation (DOTr) ang pinakaunang Libreng Sakay (Free Ride) program sa Mindanao niadtong Hulyo 24, nga naglangkob sa ruta gikan Lasang padulong sa Roxas via Sasa sa Davao City.
Gibanabana nga kapin sa 6,000 ka pasahero ang makabenepisyo matag adlaw sa libreng pamasahi ubos sa maong inisyatiba, nga gipahigayon sa koordinasyon sa Land Transportation Franchising and Regulatory Board (LTFRB).
Ang programa magpadayon matag adlaw gikan alas 6–9 sa buntag ug alas 5–8 sa gabii, lakip ang mga weekends ug holidays, ug molungtad hangtod 2028. Giplano usab sa DOTr ug LTFRB nga palapdan ang programa sa ubang mga ruta sama sa Cabaguio.
Kapin Php70 milyon kada tuig ang gi-allot nga pondo alang sa Libreng Sakay initiative.(Camille Santos Naraga)(Source: Contributed)