DAVAO CITY — Mokabat sa ₱510,000 ang gibanabanang kantidad sa gituohang shabu ang nasakmit sa mga otoridad atol sa hiniusang operasyon sa Davao City Police Office (DCPO) Police Station 6-Bunawan ug Task Force Davao.
Gipahigayon ang operasyon sa usa ka fixed checkpoint sa Licanan, Barangay Lasang, Davao City, diin nadakpan usab ang mga suspek nga giingong nalambigit sa pagdala sa gituohang ilegal nga droga.
Ang pagkasakmit sa kontrabando kabahin sa padayong operasyon sa mga otoridad batok sa ilegal nga droga ug sa ilang kampanya aron mapalig-on ang kalinaw ug seguridad sa komunidad.
Gipahinumdoman sa kapulisan ang publiko nga mahimong motaho sa mga otoridad kung adunay namatikdang kahina-hinalang kalihokan nga posibleng may kalabotan sa ilegal nga droga.
Padayon usab nga giawhag ang kooperasyon sa publiko aron makatabang sa pagpugong sa mga kalihokan nga supak sa balaod.(Camille Santos Naraga)(Source: DCPO)