Nasikop sa mga kapulisan sa Banaybanay Municipal Police Station (MPS) ang usa ka wanted person atol sa manhunt operation ug pagpatuman sa warrant of arrest sa Purok 2, Barangay Poblacion, Banaybanay, Davao Oriental.
Gipahigayon sa Tracker Team sa Banaybanay MPS ang operasyon nga misangpot sa pagkadakop sa akusado base sa Warrant of Arrest nga giisyu batok kaniya tungod sa kasong theft o pagpangawat.
Ang nadakpan anaa na karon sa kustodiya sa Banaybanay MPS alang sa hustong disposisyon ug pagproseso sa kaso.
Gipahayag sa kapulisan nga ang operasyon kabahin sa PNP Focused Agenda ni Chief PNP PGEN Jose Melencio C. Nartatez Jr., nga nagtutok sa pagpalig-on sa operasyon sa kapulisan, lakip na ang padayong manhunt operations batok sa mga wanted person nga giatubang og seryosong mga kasong kriminal.(Camille Santos Naraga)(Sourve: Banaybanay MPS)