DAVAO CITY – Nakulbaan ang mga residente sa Barangay Manay, Panabo City, Davao del Norte human madungog ang kusog nga pagbusikad atol sa usa ka sunog nga nitumaw kaganiha sa buntag sa Domingo, Enero 11.
Sumala sa inisyal nga impormasyon, giingong usa ka drum nga adunay gasolina ang mibusikad maoy hinungdan sa kusog nga pagbuto nga nadungog sa palibot.
Dayong miresponde ang Bureau of Fire Protection (BFP) ug dali nilang nakontrol ang sunog aron malikayan ang mas dakong kadaot.
Padayon pang giimbestigahan sa mga awtoridad ang insidente aron mahibal-an ang tinud-anay nga hinungdan niini.(Camille Santos Naraga)(Source: Contributed)