Malampusong nabuwag sa Philippine Drug Enforcement Agency–Bangsamoro Autonomous Region in Muslim Mindanao (PDEA-BARMM), pinaagi sa PDEA Basilan Provincial Office, ang usa ka gidudang drug den ug nadakpan ang tulo ka drug personalities atol sa buy-bust operation nga gihimo niadtong Hunyo 14, 2026 sa Purok Noynoy, Barangay Malinis, Lamitan City, Basilan.
Nakigtinabangay ang PDEA Basilan Provincial Office sa Lamitan City Police Station, 1402nd, 1403rd ug 1404th Regional Mobile Force Battalions, ingon man sa 18th Infantry Battalion sa Philippine Army aron masiguro ang kalampusan sa operasyon.
Giila ang mga nadakpan nga sila alyas “Andrew,” 32 anyos ug gituohang maoy tagdumala sa maong drug den; “Cholo,” 38 anyos; ug “Jenrick,” 21 anyos.
Nakumpiskar gikan sa mga suspek ang 12 ka heat-sealed transparent plastic sachets nga adunay sulod nga gidudang shabu nga adunay gibanabanang kinatibuk-ang gibug-aton nga pito ka gramo ug adunay street value nga ₱47,600.
Nasakmit usab sa mga operatiba ang usa ka mobile phone, buy-bust money, mga identification card, ug nagkalain-laing drug paraphernalia ug uban pang ebidensiya nga may kalabutan sa ilegal nga droga.(Camille Santos Naraga)(Source: Contributed)