DAVAO CITY — Miabot sa ikaduhang alarma ang sunog nga misunog sa Blk. 65, Lot 4, Arctic Ocean Street, Barangay Bago Aplaya, Davao City, nga nasugdan alas-10:07 sa buntag niadtong Disyembre 9, 2025.
Sumala sa Bureau of Fire Protection (BFP), naapil sa sunog ang usa ka one-storey ug usa ka two-storey nga balay, diin duha ka pamilya ang apektado sa insidente.
Gideklarar ang sunog nga under control alas-10:38, ug fire out alas-10:58 sa buntag.
Gibana-banaang ₱4.5 milyon ang kantidad sa danyos ug walay na-report nga nasamdan o namatay.
Padayon pa ang imbestigasyon sa arson team aron masuta ang hinungdan sa kalayo. (Camille Santos Naraga)(Source: Contributed)