Gipahigayon sa Davao de Oro Police Provincial Office (DDOPPO), pinaagi sa Davao de Oro Provincial Forensic Unit, ang obligadong drug testing sa mga personnel niini sa DDOPPO Covered Court isip kabahin sa padayon nga paningkamot sa pagpalig-on sa disiplina ug propesyonalismo sulod sa serbisyo sa kapulisan.
Personal nga mitambong si PCOL CESARIO D. DUKILING JR., Provincial Director, aron ipakita ang pagpanguna pinaagi sa ehemplo ug pagpalig-on sa komitment sa pamunuan sa transparency ug accountability sulod sa han-ay.
Malinaw ug hapsay nga gipahigayon ang kalihokan, diin bug-os nga nakigtambayayong ang mga personnel sa gitakdang mga pamaagi. Gipamatud-an pag-usab sa Davao de Oro Police Provincial Office ang ilang dedikasyon sa pagmintinar sa usa ka organisasyong walay droga ug sa pagpadayon sa pagsalig sa publiko sa mga tigpatuman sa balaod.(Camille Santos Naraga)(Source: Contributed)