Davao City – Patay ang usa ka drug pusher kinsa giingong misukol sa mga sakop sa San Pedro Police Station atol sa gikasang buy bust operation sa Purok 7, Kawayan, Barangay 8-A, ning syudad.
Giila sa kapulisan ang namatayng suspek nga si alyas Omar, hingkod ang pangidaron ug lumulupyo sa maong lugar.
Sumala sa report, nga namusil ug misukol ang suspek sa usa ka pulis kinsa iyahang ka transact sa iligal nga droga nga bitbit niini.
Dali nga nakabalos og pusil ang mga awtoridad nga misangko sa kamatayon sa suspek.
Samtang, nakuha sa posisyon sa suspek ang pinaugang marijuana nga mutimbang og 26 ka gramo og mukantidad og kapin P4,000 ug 5 ka gramo sa gitohoang shabu nga dunay market value nga kapin P84,000 ug .38 revolver. (Camille Santos Naraga)
(Source: Davao PNP)